前排講開善惡報應, 現想在此寫篇較為詳盡ga文作一個總結.
首先, 觀乎常人常喊"好人冇好報", "殺人放火金腰帶, 修橋補路冇屍骸"...云云; 以我觀察所得, 主要出於以下問題:
常人冇乜判斷善惡ga能力, 將"邪人當成正, 正人當成邪"之事屢見不鮮
最冇智慧ga人, 會認為順佢意ga就係好人, 逆佢意ga就係壞人 (呢種人其實比比皆是); 較為好一點ga會觀看一個人ga行為是否合乎道德規範, 如奉公守法ga會視為好人, 不法之徒會視為壞人...但其實咁重未夠準確, 奉公守法卻命運坎坷之例隨處可見, "殺人放火金腰帶, 修橋補路冇屍骸"呢類口號就正正源自呢種現像.
我觀察人, 除左會"聽其言, 觀其行"之外, 我更會從佢地ga各種言行舉止中搵出背後ga"驅動力", 即是驅使佢地做出各種行為ga動力, 再簡單d講, 即是搵出佢地背後個"心" [1]
我確確實實的說句...有好多表面上奉公守法, 甚至好似好善良ga人, 佢地個心其實係"邪到入骨"...反之, 有d睇起上黎衰衰格格, 講粗口講淫野ga人, 佢地個心反而未必真係好邪 (講粗口講淫野可能已經係佢地最邪ga一個樣) [2].
我想指出一件事, "人心"唔係咁易可以觀察得到, 我而家之所以有著遠超同齡人士ga觀心能力 [3], 乃在於我由初中時代已開始學習觀心, 累積左十幾年功力所致...但即使係而家ga我, 仍然時有出錯
除左一般人冇乜觀心能力外, 另一個導致常人難於判斷善惡ga因素在於 --- 社會有意扭曲善惡觀念.
小學讀成語時, 讀到"鋤強扶弱"呢句成語時, 我已經覺得呢句野有問題, 呢句成語暗藏著"強=邪惡, 弱=善良"ga觀念存在. 當然呢句成語只係冰山一角, 真正問題在於社會不斷灌輸著"強=邪, 弱=善"ga錯誤觀念畀我地; 兩個人有爭執, 一位係高薪厚職人士, 另一位係低下階層, 如果比普羅大眾公審ga話, 前者一定係蝕底果個 [4]. 而社會對善惡觀念ga扭曲太多, 恕不能在此盡錄.
總結以上我對人心同社會ga觀察, 人之所以唔能夠判別善惡, 在於人普遍冇觀心能力, 以及社會有意扭曲善惡觀念. 我睇人係盡量唔會受社會觀念影響, 亦會越過佢地外在行為果道屏障, 直達佢ga心...睇到佢個心係點樣就點樣 [5]
而當我用呢種方法睇人ga時候, 我見到ga見像係 --- 基本上有一個點樣ga心, 大致上就會有一個點樣ga命運...不厭其煩地再講多次, 我觀察到呢個現像, 但唔知背後ga因果關係, 所以對於常人話"好人冇好報", 我係無法認同ga
呢篇文唔係一篇"議論文", 而係一篇"見聞錄", 寫ga係我觀察到ga野, 你可以選擇唔信, 我亦唔會因為你唔信而同你每個point辯論
_________________________________________________________________________________[1] 我呢度講ga心, 大致上係指行為ga最終驅動力
[2] 早前我係fb講善惡報應ga時候, 故意提到"個個星期返教會"呢句, 乃是因為從我觀察所得, XX教ga教會裏面, 就係有著特多"表面上善良, 內裏邪到入骨"ga人存在
(題外話: 好多邪到入骨ga人, 從小就太習慣做d野出黎掩飾自己果種"邪性", 唔單止令身邊所有人都以為佢係"正", 甚至慢慢地連佢自己都以為自己係"正")
[3] 容許我自大一下...雖然在我ga見識內, 依然有著年紀同我相若, 觀心能力卻比我高ga人存在...但對"一般"同年紀ga人黎講, 我呢方面ga能力絕對夠膽說是"超晒班" (當然同d修行人比較, 我仍然係望塵莫及)
[4] 武術論壇"華山論劍"幾年前曾有一post, 話一位律師學劍道, 同個師傅有爭執, 果位律師以法律行動對待之...眾多華山山友根本未了解件事ga始沒, 就幾乎一面倒地指責果位律師, 最後果位律師獲勝訢後更有山友開post話"蒼天不仁小人當道"...原來係弱勢ga人眼中, 強勢ga人(eg. 律師)同人有爭執係唔可以贏...否則就係"蒼天不仁"...我搵唔返果個post, 所以未能提供link
[5] 我較為採信一位佛門高憎所講: 在未"成道"之前, 世上冇絕對ga善人, 亦冇絕對ga惡人...即是, 冇純邪ga心, 亦冇純善ga心
